Home / ब्लग/विचार / पाँचनम्वर प्रदेशको मुख्यमन्त्री यस कारण शंकर पोख्रेल
rapti Bheri Bikash Bank

Rahul Traders Dang

पाँचनम्वर प्रदेशको मुख्यमन्त्री यस कारण शंकर पोख्रेल

उदय पोख्रेल,
निर्वाचनलाई गलत दिशामा जानबाट रोक्नु आम मतदाताको दायित्व हो । एउटा निर्वाचनमा गरिने एउटा गल्तीले वर्षौसम्म भविष्यका सम्भावनाहरुलाई समाप्त पारिदिन्छ । निर्वाचनका उचित परिणाम र निश्कर्षहरुले मात्र सम्बृद्धीतिरको यात्रा तय गर्न सकिन्छ । त्यसका लागि दृष्टिकोण र नेतृत्वको सन्दर्भमा गहिरिएर छलफल गर्नु आवश्यक हुन्छ । यसरी गरिने छलफलको अर्थ, अरुको अरुलाई अयोग्य देखाउने कदापी होइन । तर, सबैभन्दा योग्यलाई छानौ भन्ने आग्रह सम्म हो । चर्चा गर्न खोजिएको विषय हो–प्रदेश नम्बर ५ को ।

भूगोल र सम्भावित नेतृत्वको दृष्टिले प्रदेश नम्बर ५ देशभरको चासो बनेको छ । अपार सम्भावनाको भुगोल र विविधताबीचको एकताको पूर्ण स्वरुप हो ५ नम्बर प्रदेश । त्यसो त विगतमा यस्तै संभावनाहरु समेतलाई ध्यानमा राखेर प्रदेश नम्बर ५ लाई विभाजित गर्ने प्रयत्न केही शक्तिहरुबाट भएकै हो । विभिन्न नाममा पटक पटक प्रदेश नम्बर ५ लाई विभाजित गर्ने प्रयासहरु भएकोबारे हामी जानकार नै छौ । तर ति प्रयासहरु जनस्तरबाट अस्वीकृत भएका थिए । जसको अर्थ हो कुशल नेतृत्वको अगुवाइमा जनस्तबाट समेत प्रयास गरियो भने धेरै कुरा हासिल गर्न सकिन्छ । यसकै परिणाम हामी अहिले प्रतिनिधिसभा र प्रदेशसभा निर्वाचनमा केन्द्रीत छौ ।

नेताहरु जनताबीच पुगिरेहका छन् भने जनता पनि अब आर्थिक विकासको बाटोमै अघि वढ्न चाहेका छन् । संभावनाका अनेकौ पाटोहरुलाई केलाउँदै गर्दा हामीले मुल रुपमा पाँच नम्बर प्रदेशमा सम्बृद्धीको आधार, त्यसप्रतिको दृष्टिकोण, कार्यान्वयनको क्षमता, राष्ट्रिय राजनीतिमा पार्नसक्ने प्रभाव र पहुँच जस्ता विषयहरुलाई ध्यानमा राखेर नेतृत्व चयन गर्नु आवश्यक हुन्छ । नेतृत्व चयनको सन्दर्भमा उचित निश्कर्ष निकाल्न सकिएन भने त्यसले आफ्नै अगाडी रहेका संभावनाहरुलाई समेत निकै पछाडी धकेलिदिन्छ । हामी सबै यो कुरालाई बुझेर अघि वढ्नु आवश्यक छ ।

कस्तो नेतृत्व किन ?
प्रदेश नम्बर ५ को मुख्य मन्त्रीको रुपमा उम्मेद्वार बन्नेक्रममा दाङ जानु एक दिन अघि संचारकर्मीसँगको संक्षिप्त भेटमा एमाले नेता शंकर पोखरेलले भनेका थिए –अधिकारप्राप्तिको लडाइकोक्रम सकियो, अबको बाटो आर्थिक विकासको हो । उनले थपेका थिए–अब एउटा प्रदेशले सिङ्गो देशका लागि उचित सन्देश दिनसक्छ र त्यसमार्फत राज्यलाई बलियो बनाउन सकिन्छ । प्रेदशहरु ब्लियो बन्न सकेनन् भने राष्ट्र बलियो हुँदैन । आफ्ना लागि मुख्य मन्त्रीको जिम्मेवारी चुनौति र अवसरका दृष्टिले बराबरी जस्तै हुने भन्दै आफु चुनौतिलाई पन्छाएर अघि वढ्न सक्ने विश्वास ब्यक्त गरेका थिए ।

पहाडदेखि तराइसम्म, छिमेकी भारतको भूभागलाई समेत छोएको यो प्रदेशले सिङ्गो राष्ट्रलाई जोड्न सक्ने उनको भनाई थियो । पोखरेलका भनाइहरुलाई आधार मान्ने हो भने उनको सम्पूर्ण ध्यान अब पाँच नम्बर प्रदेशलाई कसरी सम्बृद्ध बनाउन सकिन्छ भन्नेमा केन्द्रीत छ । भू राजनीति र अर्थशास्त्रबारे राम्रो ज्ञान भएका नेता पोखरेलले राज्यपुनर्संरनाको काममा खेलेको भूमिकाले पनि नेकपा एमाले र माओवादी केन्द्रले पोखरेलाई महत्वपूर्ण भूमिका दिन चाहेको बुझिन्छ ।

एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डले पोखरेललाई मुख्यमन्त्रीको रुपमा अघि सारेर संघीयतामार्फत नेपालको आर्थिक सामाजिक विकासको मोडल प्रस्तुत गर्न चाहेको बुझ्न कठिन छैन । सबैलाई सक्षम बनाउने कि केही मात्र सक्षम बन्ने ? नेपाली राजनीतिको प्रवृतिलाई हेर्ने हो भने आफुलाई मात्रै सक्षम देख्ने परिपाटी छ । तर पोखरेल यस्ता नेता हुन् जसले जस्तो सुकै अवस्थामा पनि आफुलाई राष्ट्रिय राजनीति र आर्थिक सामाजिक विकासमा स्पष्ट दृष्टिकोणकासाथ उभ्याइरहे ।

दङ्गाली मतदातामा

प्रादेशिक संरचना बलियो हुँदा मात्रै राज्य बलियो हुनसक्छ । त्यो प्रादेशिक संरचनाको जग हाल्ने र त्यसलाई बलियो बनाउने दायित्व दङ्गालीलाई आउने अवस्थामा अब दुविधाग्रस्त बनिरहनु जरुरी छैन । अघिल्लो पटकको निर्वाचनमा शंकर पोखरेल पराजित भए पनि राष्ट्रिय राजनीतिमा उनको भूमिकालाई गहिरिएर हेर्नु जरुरी छ । उनीसँग प्रतिष्पर्धा गरेर विजयी बनेकाहरुले संसदमा जनताको पक्षमा कति दिन के कुरा बोले र त्यसको समाधानमा कस्ता प्रयास गरे तथ्यांकहरु हेर्दा पुग्छ । राष्ट्रिय विकासका लागि प्रष्ट दृष्टिकोण दिनसक्ने नेताले प्रदेशको सन्दर्भमा अझ वढी प्रष्ट दृष्टिकोण ल्याउने निश्चित छ । किनकी त्यसको कार्यान्वयनको दायित्वसमेत उनैसँग रहनेछ । नीति निर्माणको महत्वपूर्ण चरणमा यस्ता राजनीतिकर्मीले समग्र देशको विकासको मोडल तय गर्न सक्छन् ।

अहिले पाँच नम्बर प्रदेशमा राष्ट्रिय गौरवका पाँच वटा आयोजनाहरु निर्माणको क्रममा छन् । ति आयोजनाहरु पाँच वर्ष भित्रै पुरा गरी संचालनमा ल्याउन योग्य नेतृत्व आवश्यक छ । कृषि, स्वास्थ्य, शिक्षा, रोजगारी, समाजिक सुरक्षा, सिमान्तकृत समूदायको हित, खानेपानी र सिचाईको उचित प्रवन्ध जस्ता कामको आधारमा आर्थिक विकासका लागि बाटो तय गर्न सकिने र त्यसको नेतृत्वका लागि शंकर पोखरेल नै उपयुक्त पात्र हुनेमा कुनै दुविधा छैन ।

Gorkha Hospital Dang
error: दाङ खबरका सबै सामग्री प्रतिलिपि अधिकार अन्तरग सुरक्षित गरिएकाले कृपया यस साइटका सामग्री अन्य साइटमा कपि पेष्ट गरेको पाइएमा दाङ खबरको फेसबुक पेज मार्फत् सार्वजनिक गरिने छ । दाङ खबर परिवार ।